Læknahúsið Lífsteinn, Álftamýri 1-5, 108 Reykjavík


  Hafa samband : viðtalsbeiðnir í síma: 530 8300 og 895 8197

Sérfræðingar

Árni Hafstað

Árni Hafstað er svæfinga- og gjörgæslulæknir.

Árni sér til þess að allir þeir sem þurfa á svæfingu að halda sofni vel og vakni vel hvort heldur er í slævingu í LASER (RF) aðgerð eða svæfingu í stærri aðgerðum. Árni lærði á Haukeland sjúkrahúsinu í Bergen, Noregi og starfaði síðan þar í rúm 5 ár sem yfirlæknir.

Fyrir svæfingu er tekið ítarlegt viðtal og könnuð fyrri heilsufarssaga viðkomandi sjúklings. Sérstaklega er athugað hvort um er að ræða hjarta- eða æðasjúkdóma, ofnæmi eða álíka.

Einnig er skoðuð lyfjasaga og því er oft gott að hafa meðferðis lista yfir þau lyf sem viðkomandi tekur. Einnig geta frásagnir af fyrri svæfingum skipt máli.

Svæfingin fer þannig fram að gefin eru lyf, róandi, verkjalyf og svæfingalyf og síðan er svæfingunni viðhaldið með innöndunarlyfjum. Í fyrirbyggjandi skyni eru oft gefin ógleðilyf.

Þegar sjúklingurinn vaknar þá jafnar hann sig í hvíldarherberginu. Flestir vakna og eru komnir á kreik að klukkustund liðinni.